٠١ · الذكرى
كل بيت مصري ليه ريحة.
غمّضوا عينكم ثانية، وافتكروا ريحة بيت ماما: غسيل منشور في الشمس، ومية المسح يوم الجمعة، والشبابيك مفتوحة والهوا داخل منها.
الريحة دي عمرها ما كانت رفاهية. كانت معناها إن فيه حد صاحي من بدري، وشايل البيت ده بحب.
٠٢ · الحاجة اللي محدش بيتكلم عنها
وبعد ساعة… الريحة راحت.
هي بتمسح الشقة كلها الصبح. الأرض بتلمع، والريحة مالية المكان. وبعد ساعة، كأن مافيش حاجة حصلت.
والغسيل اللي اتشطف بمنعم «ريحته تجنن» نزل من على الحبل من غير ريحة. وإزازة الصابون اللي المفروض تكفّي الشهر خلصت في أسبوعين.
وفي الآخر هي اللي بتقول لنفسها: «يمكن أنا ماحطيتش كفاية».
قرينا مئات التعليقات من ستات مصريات على المنظفات اللي بيشتروها كل شهر، ولقينا نفس الوجع بنفس الكلام:
- «الريحة مابتقعدش»
- «خفيف زي المية»
- «العبوة وصلت مدلوقة»
من تعليقات حقيقية على منظفات موجودة في السوق.
والحقيقة اللي محدش قالها: العيب عمره ما كان فيها.
العيب في منتجات اتعملت بمبدأ «تقريبًا».
٠٣ · المعمل
وأنا جاي من مكان مافيهوش «تقريبًا».
أنا حسن. اشتغلت 9 سنين في قطاع المعامل والتحاليل الطبية. هناك كل نتيجة ليها معيار، وكل عينة ليها رقم، وأصغر غلطة بتتعاد من الأول.
فسألت سؤال بسيط: ليه الحاجة اللي بتدخل كل بيت مصري كل يوم… مالهاش معيار؟
ومن السؤال ده اتولد رَواق.
٠٤ · سنتين تجارب
وعينات
مانزلناش أول عينة… ولا التانية.
قعدنا سنتين نشتغل على التجارب والعينات. كل عينة نجربها، ونشوف فيها إيه مش مظبوط: الريحة، القوام، النضافة، وحتى العبوة.
وكل مرة نرجع نطور ونظبط… ونجرب تاني. لحد ما نوصل للي يستاهل يدخل بيتكم.
- عينة
- تجربة
- ملاحظة
- تطوير
- ونعيد من الأول
٠٥ · الاسم
ليه «رَواق»؟
الرواق في العمارة المصرية ممر بأقواس وأعمدة حوالين صحن مفتوح، داخل منه الضل والهوا والنور.
وفي الجامع الأزهر، من مئات السنين، كان كل رواق بيت لطلبة جايين من بلد واحدة، وليه نظامه وناس بترعاه.
وده بالظبط اللي عايزينه لبيتكم: مكان باين عليه الاهتمام، وريحته تفتح النفس.
٠٦ · الوعد
تعبكم يبان… ويفضل.
رَواق مش هيعمل شغلكم بدالكم. هيعمل حاجة واحدة: إن تعبكم يبان، ويفضل.
- ريحة بنجربها في العبوة، وأثناء الاستعمال، وبعده.
- تركيز مظبوط، علشان الإزازة تكمّل معاكم.
- عبوة مقفولة بختم، توصل زي ما خرجت.
- نفس الجودة كل مرة، لأن كل منتج ليه معيار مكتوب بنراجع عليه.
- ولو وصلكم أي منتج فيه مشكلة، بنبدّله أو نرجّعلكم فلوسكم.
THE RAWAQ STANDARD
معيار رَواق
٨ أعمدة شايلة كل منتج من رَواق.
لو عمود واحد وقع… المنتج مايوصلكمش.
- ١بينضف بجدبجرعة معقولة.
- ٢قوام وتركيز مظبوطينعلشان الإزازة تطوّل معاكم.
- ٣ريحة متقنةبنجربها في العبوة، وأثناء الاستعمال، وبعده.
- ٤لطيف على الإيد والأسطحالمكتوبة على العبوة.
- ٥مطابق للمواصفاتالمصرية لكل منتج.
- ٦نفس الجودة كل مرةمعيار مكتوب بنراجع عليه كل إنتاج.
- ٧عبوة توصل سليمةمقفولة بختم ومتغلفة للشحن.
- ٨ضمانلو المنتج وصلكم فيه مشكلة، بنبدّله أو نرجّعلكم فلوسكم.
والبيت راق
٠٧ · الصفحة الأولى
الصفحة الأولى بتاعتكم.
رَواق لسه بيبدأ. ماعندناش تاريخ طويل نحكيه… عندنا أول صفحة، وعايزينكم تكتبوها معانا.
أول ١٠٠٠ عضو مؤسس هيطلبوا قبل الإعلان العام، ورأيكم محل تقدير: بنسمع كل اقتراح، واللي يخلّي رَواق أحسن بنشتغل بيه.
لحد ما تقولوا من قلبكم: «البيت راق».
حسن باشا
مؤسس رَواق
رَواق | RAWAQ براند مصري للعناية بالبيت.